“E gjetëm të bllokuar”, ngrihen në protestë taksistët për korsitë e biçikletave

Taksistët janë ngritur në protestë mëngjesin e ditës së sotme, në rrugën “Ibrahim Rugova”, për shkak se sot iu është ndaluar të punojnë, pasi rruga do të kthehet në korsi biçikletash.

Në një prononcim për Fax News, taksistët shprehen se mëngjesin e sotëm kanë vënë re që janë zënë korsitë ku lejojnë.

“Kur kemi ardhur në mëngjes, ai punëtori i bashkisë na tha është zënë korsia. Jam taksapagues i rregullt vijmë këtu dhe shohim që na kanë zënë korsinë.

Këto thonë do të bëjmë korsi biçikletash, por unë me këtë taksi mbaj familjen jemi të detyruar të mbajmë familjen. E kishin bllokuar, nuk kemi as shpjegim asgjë. Ku do të shkojmë jemi 3000 taksistë.”- u shprehën taksistët.