Edhe njëherë tjetër Manjani ka akuzuar se për të folur në media duhet të marrësh leje te këshilltari për mediat i kryeministrit Rama. Manjani ka thënë se ka pasur tentativa për t’i mbyllur gojën atij.
‘’Politika ishte dhe është një mjet për të zhvilluar parimet profesionale, sigurisht të qenit ministër është një nga detyrat më të rëndësishme, ma dha LSi, ILIR Meta të cilit i jam mirënjohës, sepse në fakt pas gjithë këtij investimi, i mungonte dhe karrierës sime kjo detyrë. Nuk ishte ajo që doja të ishte, do ua them pse. Kur kam hyrë në detyrë kam gjetur një procedurë që s’kishte lidhje. Mbledhja e qeverisë është një akt formal, i papranueshëm, ministrat nuk lejohen të flasim.
Sigurisht me kryeministrin Rama ne nuk kemi debatuar për çështje personale, por ligjore. Ç’kam patur i kam thënë, i kanë aty të regjistruara, nëse i kanë fshirë është tjetër gjë. Unë nuk i kam borxh askujt. Që nga dita e parë kryeministri Rama i ka bërë presion Metës për të më shkarkuar, më kanë kërkuar të mos flasë pa lejën e Fugës. Pra po fole pa lejën e Fugës, shkarkohesh. Ky është mesazhi i Kryeministrit. Po fole pa leje shkarkohesh. Të rrimë urtë, të mos flasim, të fitojmë ndonjë tender’’ ka thënë ndër të tjera Manjani. (E.K/SHUPLAKA)
Discussion about this post