Pak ditë pas përfundimit të zgjedhjeve në Maqedoni, ku partia e Nikolla Gruevskit siguroi 51 mandate, kanë nisur përplasjet e shoqëruara me ankesa, por dhe batutat. Siç është edhe kopertina e revistës maqedonase “Fokus”, një ndër revistat më të mëdha në Maqedoni.
Në numrin e radhës të revistës, ish-kryeministri Nikolla Gruevski shfaqet shqiptarçe! Konkretisht, me kostum popullor shqiptar, duke kërcyer valle.
Sipas “Fokus”-it, Gruevskit i ka ardhur koha ose të luajë “Shotën” ose të përfundojë në Shutkë (burg). Tashmë, lideri i VMRO-DPMNE-së është në duart e shqiptarëve në rast se do të bëhet sërish kryeministër.
