“Tani ka ardhur fundi, nuk pret më”, minatorët paralajmërojnë Ramën: Do të përshkallëzojmë protestat

Minatorët po zhvillojnë një protestë ditën e sotme para ambjenteve të kryeministrisë për statusin e minatorit.

Ato shprehen se protestojnë për pensionet maksimale për shkak të vështirësisë së punës që kanë kryer në minierë. Gjithashtu minatorët kërcënojnë se nëse kryeministri Edi Rama nuk ju kthen një përgjigje brenda muajit nëntor ato do të ngrenë çadra para kryeministrisë.

Më tej sipas tyre nëse nuk do të ketë komunikim ato shprehen se do të përshkallëzojnë protestat, nëse kërkesat e tyre nuk do të përmbushen nga kryeministri.

“Nuk është miratuar statusi i minatorit. I bëj thirrje kryeministrit pasi është dakordësuar nga kryeministria se do të miratohet brenda prillit dhe nuk u miratua. Tani ka ardhur fundi, nuk pret më. Këto 26 burra e kanë vendosur se nëse nuk marrin përgjigje me datën 22 nëntor, atëherë këto janë të vendosur që të lënë dhe jetën për statusin e minatorit.” u shpreh njëri prej tyre.

(M.Q/Faxweb)