Agjenti i sulmuesit të Lazio-s Balde Keita, Roberto Calenda, ka thumbuar Igli Taren, duke thënë se edhe në vitin 2017 ka drejtues klubesh që nuk e dinë kush është agjent i lojtarit të ekipit të tij.
Reagimi i tij vjen pas deklaratës së drejtorit sportiv të Lazios, se nuk i intereson kush është agjenti i lojtarit dhe nuk dëshiron të pyetet vazhdimisht për vazhdimin e kontratës me Keita.
“Një drejtor sportiv do të duhej të njihte situatën e lojtarëve të tij. Është punë e tij. Dhe në vitin 2017 ka ende të tillë që nuk e dinë kush është agjenti i një lojtari të klubit të tij”, ka shkruar Calenda në Twitter. (E.K/SHUPLAKA)
