Tarifa e re nga Bashkia, tregtarët e tregut të Rusit në Bojkot

Tregtarët e tregut të Rusit në qytetin e Shkodrës kanë bojkotuar këtë të enjte punën e tyre. Kjo pasi Bashkia Shkodër ka katërfishuar qeranë.

Në protestën e zhvilluar, tregtarët theksojnë se tarifa e re nuk përballohet dhe është tepër e rëndë për to. ‘Na kanë vendosur thiken në fyt’ – shprehet një nga tregtarët, teksa paralajmërojnë për përshkallëzim të protestës dhe largim nga tregu nëse nuk merren masa.

Janë me dhjetëra tregtarë në këtë treg, të cilët përballen me këtë rritje të tarifës nga Bashkia Shkodër.