Siç u njoftua nga kryetari i Bashkisë së Tiranës, Erion Velia,j gjatë takimit me përfaqësuesit e njësive administrative dhe me kryepleqtë e lagjeve, së shpejti nis puna për të zgjedhur administratorët e pallateve.
Sipas Bashkisë së Tiranës, për çdo 20 administratorë pallatesh do të ketë një ndërlidhës, i cili do të jetë ura e komunikimit mes Bashkisë dhe qytetarëve. Administratorët do të zgjidhen nga asambletë e banorëve të pallateve, të cilët do të trajnohen paraprakisht nga Bashkia dhe më pas do të marrin licencën për këtë detyrë.
Administratorët e rreth 5 mijë pallateve që ka kryeqyteti shqiptar janë të detyruar, sipas ligjit, të[ raportojnë pranë njësisë së tyre vendore, për çdo gjë që ndodh në pallatin që kanë nën administrim.
Tarifa e administrimit do të përcaktohet bazuar në shpenzimet e administrimit, në kuotën e pjesëmarrjes në bashkëpronësi të pronarëve, në përputhje me numrin e kateve që ka godina dhe për masën e përdorimit të objekteve të veçanta.
Fatura mujore për familje që do t’i shkojë administratorit vlerësohet të jetë nga 1 mijë deri në 3 mijë lekë të rinj në varësi të pallatit dhe të zonës në Tiranë.
Në ligjin e miratuar në 2009-ën “Për administrimin e bashkëpronësisë në ndërtesat e banimit”, sanksionohet se, në rast se një bashkëpronar nuk e paguan tarifën e administrimit në kohën e caktuar, për çdo muaj vonesë, ai do të paguajë një kamatë 10 % të tarifës, ndërsa për banorët që refuzojnë pagesën 3 muaj rresht ndërhyn gjykata dhe përmbarimi.
http://faxnews.wpengine.com/veliaj-brenda-vitit-tjeter-do-jene-zgjedhur-administratoret-per-5-mije-pallate/
