Presidenti amerikan, Donald Trump deklaroi të dielën se tarifat e vëna një ditë më parë nga Kanadaja mund të kenë efekte të vogla negative ose mund të mos kenë fare për amerikanët.
“Ne do ta bëjmë Amerikën të madhërishme përsëri, dhe për këtë ia vlen të paguash çdo çmim”. tha Trump në një shkrim në rrjetin ‘TruthSocial’.
Të shtunën, Presidenti Trump nënshkroi një urdhër ekzekutiv për vendosjen e tarifave të reja prej 25 për qind për mallrat që importohen nga Meksika dhe Kanadaja dhe një tarifë shtesë prej 10 për qind për importet nga Kina.
Kryeministri i Kanadasë Justin Trudeau theksoi se vendi i tij do të hakmerrej ndaj veprimeve të administratës amerikane, duke vendosur një tarifë prej 25 për qind për importet amerikane që kapin një vlerë prej 155 miliardë dollarësh.
Ai tha po ashtu se Kanadaja po shqyrton vendosjen e masave jo tarifore, me gjasë ato që lidhen me mineralet energjinë dhe partneritete të tjera.
Discussion about this post