Kryeministri Edi Rama dy vjet më parë denoncoi publikisht 100 zyrtarë, për të cilët tha se janë të korruptuar, duke iu referuar denoncimeve të shumta të qytetarëve.
Listën kreu i qeverisë e bëri publike në profilin e tij në Facebook, ku duhet thënë se nxiti një sërë reagimesh.
Sektori ku pati më shumë denoncime ishte shëndetësia, ku nuk munguan as emrat e drejtorëve të spitaleve.
Nëse i hedhim një sy listës, rezulton se aty ndodhet edhe emri i deputetes së re të kuvendit, Ediola Braha.
Kjo e fundit në atë kohë ishte drejtoreshë e spitalit të Tepelënës nga radhët e LSI.
Braha u bë pjesë e parlamentit nën siglën e LSI, pasi opozita vendosi në fund të shkurtit që të digjte mandatet.
Edhe pse është denoncuar nga Rama për korrupsion, Braha sërish arriti të bëhej pjesë e parlamentit, dhe së fundi ka marrë dhe vlerësimet e kryeministrit.
Discussion about this post