Tashmë është zyrtare, merr fund eksperienca e Eno Popit te emisioni i mëngjesit

Prej disa kohësh në mediat online është përfolur se moderatori Eno Popi nuk do të jetë më pjesë e emisionit të mëngjesit në “Top Channel”. Zërat e parë të largimit të Enos nga emisionin “Wake Up” nisën në muajin qershor kur u përfol se ai do të drejtonte emisionin “Kutia e Fundit”.

Mirëpo Eno i mohoi këto zëra duke pohuar se do të jetë pjesë e emisionit të mëngjesit.

Pavarësisht kësaj dyshimet nisën sërish teksa Ori Nebiaj e ftuar në emisionin “Thuaje me Pepsi”, tha se në shtator do të rikthehej vetëm ajo me Islin.

“Do të rikthehemi në shtator me ‘Wake Up’ vetëm unë dhe Isli, sepse Eno me shumë mundësi nuk do të jetë më në këtë sezon”, tha Ori Nebiaj.

Por pavarësisht se Eno e mohoi largimin nga “Wake Up”, tashmë është zyrtare dhe mëse e qartë që ai nuk do të jetë pjesë e këtij emisioni. Pak çaste më parë është publikuar edhe video-ja prezantuese e sezonit të ri televiziv, në të cilën shfaqen vetëm Isli dhe Ori.

(E.K/FAXWEB.AL)

Te henen fillon @wakeup_topchannel mezi po presim te ndajme zgjimin me ju! Ky sezon eshte per te mos u humbuuuuur! 10 shtator ne @topchannelalbania Love @orinebijaj @tuciaida @tufinasulejmani @ilvaosmani @dj_vini @yaboijd23

A post shared by ISLI ISLAMI (@isli_islami) on Sep 4, 2018 at 1:35am PDT