Task-Forca për ujin e pijshëm, shkëputen 99 lidhje të paligjshme dhe vendosen 11 gjoba për familjarët

Problemet me ujin e pijshëm në kryeqytet është kthyer në një shqetësim për shumë qytetarë.

Vetëm ditën e djeshme nga  puna e kryer Task-Forca e Bashkisë së Tiranës dhe Ujësjellës Kanalizimeve, kanë sjellë një përmisim të situatës së furnizimit me ujë të pijshëm.

Në kryeqytet u vendosën 211 matës të rinj, gjithashtu të mërkurën janë lidhur 83 kontrata të reja, si dhe janë nënshkruar 45 aktmarrëveshje.

Gjatë kontrolleve janë identifikuar dhe probleme, ku janë shkëputur 99 raste të lidhjeve të paligjshme në rrjetin e ujësjellësit, ku uji i pijshëm përdorej për ujitje, ndërsa kanë vendosur 11 gjoba për familjarë dhe 15 të tjera për biznese të ndryshme. 

Një vëmendje e veçantë i është kushtuar edhe  abuzimeve me ujin e pijshëm nga subjektet private, ku janë marrë të gjitha masat për ndërprerjen e lidhjeve të ujit që përdorej nga lavazhet e makinave apo për ujitje. (S.SH/Shuplaka)