Drejtoria e Përgjithshme e Tatimeve njofton se duke filluar nga data 15 prill, do të nisë zbatimi i planit sektorial i bareve dhe restoranteve, i hartuar edhe me asistencën e Fondit Monetar Ndërkombëtar.
DPT bën me dije se ky plan do të shtrihet në të gjithë vendin në një nga sektorët më informal, me numrin më të lartë dhe të punësimeve sezonale. Shlyerja e taksave si dhe ndërgjegjësimi i qytetarëve për të kërkuar dhe marrë kuponin tatimor do të jetë në vëmendjen e grupeve të kontrollit tatimor.
Njoftimi i plotë i DPT:
Drejtoria e Përgjithshme e Tatimeve zhvilloi mbledhjen e 22-të të Komitetit të Përmbushjes, në të cilën u miratua plani sektorial i bareve dhe restoranteve, i hartuar edhe me asistencën e Fondit Monetar Ndërkombëtar.
Përmes zbatimit të këtij plani, synohet rritja e përmbushjes vullnetare e tatimpaguesve, si dhe ndërgjegjësimi i publikut mbi rëndësinë e mbledhjes së detyrimeve tatimore sipas legjislacionit në fuqi.
Plani sektorial i bareve dhe restoranteve do të nisë të zbatohet nga Administrata Tatimore, duke filluar nga data 15 prill dhe do të shtrihet në të gjithë vendin.
(F.GJ/FAXWEB.AL)
