Është zbardhur një tjetër dokument i Drejtorisë së Tatimeve drejtuar Komisionit Hetimor të CEZ.
Në deklaratën e saj, Drejtoria e Tatimeve shkruan se “sekseri” i CEZ, Nuel Kalaj, i cili pretendon se është paguar 7 milionë euro, nuk ka paguar asnjë taksë në Shqipëri duke shmangur kështu detyrimet tatimore.
Ndër të tjera në deklaratën e saj, kjo drejtori shkruan se Nuel Kalaj ka kaluar prej kohësh në status pasiv për shkak të ndërprerjes së deklarimeve në Tatime.
“Nuel Kalaj u regjistrua si person fizik në dhjetor të 2007. Në vitin 2010 ai ka ndërprerë deklarimet në tatime dhe në 2014 Kalaj ka kaluar në regjistrin e subjekteve me statusin pasiv.”, sqaron ndër të tjera Drejtoria e Tatimeve.
Rreth dy ditë më parë, kreu i Komisionit të CEZ-it, Taulant Balla, deklaroi gjatë mbledhjes se dëshmitari kyç i çështjes ndodhet jashtë vendit. (XH.A/SHUPLAKA)
Discussion about this post