600 mijë lekë është gjoba me të cilën është dënuar pronarja e një pike bilardore, pasi ka kundërshtuar me forcë policët tatimorë.
Tre punonjës tatimorë kanë shkuar në pikën e saj të bilardos në Qytet Studenti për të bërë kontroll më datë 11 gusht të 2016-ës.
Sipas policëve, Hajrie Çala nuk lëshonte kupon tatimor për lojërat bilardo dhe për këtë ata deshën t’i vinin një gjobë. Por Çala ia ka grisur fletën inspektorit.
Pastaj, e nxehur ka marrë në dorë një stekë dhe ka tentuar të godasë inspektorët. Megjithatë, i shoqi e ka ndaluar.
Pronarja e bilardos e ka pranuar faktin që kanë bërë debat, por sipas saj kontrolli ishte tendencioz.
Çala shprehet se në momentin që ajo ka dashur të shohë se çfarë po plotesonin, punonjësi i tatimeve ka tërhequr bllokun dhe kështu janë grisur fletët. (D.D/Shuplaka)
