“PS meriton lavdërime për këtë!”, Balla i përgjigjet zyrtarit gjerman: Po punojmë me dy opozitat që të demokratizojmë zgjedhjet

Kryetari i Grupit Parlamentar në Partinë Socialiste Taulant Balla ka reaguar pas deklaratës së zv/kryetarit të Grupit Parlamentar CDU/CSU-së, Johann Wadephul, i cili tha se ndryshimet kushtetuese do të asgjesonin Reformën Zgjedhore.

Balla shkruan se PS po e shtyn përpara marrëveshjen e 5 qershorit duke e plotësuar dhe se meriton lavdërime për këtë.

“@JoWadephul PS po punon shumë për të bërë një marrëveshje fitoreje me të dyja opozitat! Nesër ne e shtyjmë përpara marrëveshjen e 5 qershorit dhe plotësojmë punën me demokratizimin e mëtejshëm të zgjedhjeve duke hapur listat në mënyrë që njerëzit të zgjedhin partinë dhe një kandidat! PS meriton lavdërime për këtë”, shkruan Balla në “Twitter”.