“Çfarë bëri keq Lleshaj që u largua nga Lezha?” Flet për herë të parë Balla, ja si e komenton edhe ikjen e Besa Shahinit nga qeveria

Nënkryetari i Partisë Socialiste Taulant Balla, pas mbledhjes së zhvilluar ditën e sotme mes kryeministrit Edi Rama dhe drejtuesve politik të PS-së në qarqe, tha se gjatë mbledhje u diskutuan çështje të karakterit organizativ.

“Ky takim i përjavshëm do të vijojë deri më 25 prill. Ne kemi diskutuar sot mbi çështje të karakterit organizativ, padyshim edhe të një raportimi të një vlerësimi që kemi mbledhur nga qytetarët mbi cilësinë e shërbimeve publike.

I kemi dorëzuar kryeministrit një përmbledhje të vlerësimeve që burojnë nga qytetarët për cilësinë e shërbimeve publike, për përmirësimin e tyre. Kemi diskutuar dhe për krijimin e një kanali komunikimi virtual me anëtarësinë e partisë, për të vlerësuar performancën e çdo përfaqësuesi të PS. Ky kanal do të kontribuojë në përmirësimin e partisë.

Thirrja ime është që të gjithë të marrin pjesë në zgjedhje. Partitë kanë detyrë të marrin pjesë në zgjedhje, populli duhet të votojë dhe të zgjedhë drejtimin që duhet. Ky është diskutimi që do të jetë i përjavshëm në shtabin tonë elektoral”, tha Balla.

Sa i përket largimit të ministrit Sandër Lleshaj nga roli drejtues i PS-së në Lezhë, Balla tha se ai ka bërë një punë të shkëlqyer dhe se kjo gjë nuk ka të bëjë me performancën.

“Së pari duhet të them që PS e Shqipërisë ka në mënyrë të vazhdueshme ka përzgjedhur dhe ka bërë ndryshime në drejtimin politik të qarqeve. Nuk dua të le asnjë ekuivok në përgjigje ndaj pyetjes tuaj, pasi gjithë ky ujë që zien kazani nuk ka të bëjë me perforacion e Lleshaj si drejtues politik. Ai është një ministër shumë i mirë dhe ka performuar shumë mirë në krye të ministrisë së Brendshme. Në Lezhë PS do të marrë 4 mandate”, tha Balla.

Po ashtu Balla u pyet edhe në lidhje me largimin e Besa Shahinit nga qeveria, pyetje të cilës socialist i devijoi duke vlerësuar punën që është bërë në arsim në këto vite nga qeveria.

“PS ka bërë reformën më të thellë në sistemin arsimor shqiptar duke e depolitizuar procesin e emërimeve të ndyra në shkolla mësuesit shqiptarë sot janë më të qetë se kurrë. Aktualisht cdo mësues që rekrutohet sipas meritës. Shqipëria që duam është Shqipëria që nuk ka lidhje me emërime partie.”- tha Balla.

(M.Q/Faxweb.al)