Deputeti socialist Taulant Balla, bashkëkryetar i Komisionit për Reformën Zgjedhore ka kërkuar që për kërkesën e PD-së për numërimin elektronik le të përgjigjet OSBE.
”Miratuam procesverbalin e mbledhjes së kaluar. Kemi miratuar një propozim që të evidentojmë problematikat, dhe të fillojmë diskutimin sipas tyre. Nuk ka rëndësi numërizimi i tyre. Të diskutojmë për sistemin në tërësi, për sitemin elektronik, votimin elektronik apo numërimin elektronik. Shumica e vendeve aplikojnë ose njërën ose tjetrën dhe të tjerë veënde edhe të dyja.
Po le të pyesim OSBE-OHDIRIN, a kemi kohë a jo në dispozicion deri në zgjedhjet e qershorit. Të gjitha këto janë gjëra që nuk na përkasin ne. Pasi duhet një raport fizibiliteti që duhet hartuar”, ka thënë Balla.
