Deputeti i Partisë Socialiste Taulant Balla, i cili është njëkohësisht kryesuesi i kësaj force politike në Elbasan, ka deklaruar se pas zgjedhjeve Shqipëria do të ketë një opozitë të re.
Këtë deklaratë, Balla e bëri gjatë një vizite në Belsh, ku zhvilloi një bashkëbisedim me banorët e Njësisë Administrative Grekan.
“Këto zgjedhje nuk janë zgjedhje si përherë, por përpara të gjithëve nesh shtrohet një sfidë e madhe. Kemi përpara mundësinë t’i japim fund këtyre 25 viteve me një sistem tërësisht të kalbur drejtësie dhe të fillojmë një rrugë të re.
Jo republikën e re, sepse atë se beson njeri. Nëse pas 18 Qershorit do të ketë diçka të re, unë jam i bindur që do të ketë një opozitë të re dhe ka shumë nevojë që të këtë dhe një PD të re.”, ishin fjalët e Ballës. (D.D/Shuplaka)
Discussion about this post