Deputeti i Partisë Socialiste Taulant Balla shprehet kundër kërkesës së opozitës për krijimin e një qeverie teknike. Në një takim në Elbasan me forumin e gruas, Balla shprehet se kërkesa për krijimin e një qeverie teknike nuk paraqet asnjë argument dhe për këtë arsye “nuk ia vlen të harxhosh kot kohën me të”.
Ndër të tjera, Balla deklaron se Partia Demokratike ka nisur një bojkot kundër zbatimit të ligjit të Vettingut.
“Por ajo që po ndodh këto ditë me një bojkot të stisur nga ana e PD, të pajustifikuar me argumenta të qëndrueshëm, por të fshehur pas një qëllimi keqdashës ndaj interesave të Shqipërisë sikurse është java e ardhshme e një pune intensive parlamentare, kur do të ngrihen dy komisionet e posaçme në kuadër të implementimi dhe funksionimit të plotë të Reformës në Drejtësi për procesin e Vettingut.”, deklaron Balla.
Më tutje deputeti socialist tha se ky bojkot i nisur nga PD-ja është një përpjekje për të dëmtuar procesin e integrimit në BE.
“Nëse PD nuk e ndërpret menjëherë bojkotin dhe të përcaktojë deputetët që do të jenë në komisione, ose nga aleatët, sepse duhet që javës tjetër të nisë puna me komisionet e Vettingut, është mëse e qartë përpjekja për të dëmtuar procesin e Integrimit Europian dhe për të bllokuar dëshirën e 97 % të shqiptarëve.”, janë fjalët e Ballës. (D.D/Shuplaka)
