Taulant Balla në komisonin për CEZ: Nuel Kalaj të sillet forcërisht për të dëshmuar

Kryetari i Komisionit Parlamentar për hetimet në lidhje me CEZ Taulant Balla ka kërkuar që Nuel Kalaj të sillet forcërisht për të dhënë dëshminë e tij. Sipas Ballës Kalaj është një nga dëshmitarët kyç i cili do të zbardhte aferën dhe lidhjen me familjen Berisha.

‘’Personi e ka pranuar që e ka marrë këtë shumë. Ai deklaron se ka patur një shërbim konsulence me CEZ, me justifikimin se ka bërë një studim fizibiliteti të tregut shqiptar, edhe pse nuk dimë që ai të ketë një diplomë për këtë’’, ka thënë Balla.

Ai ka vazhduar më tej duke kërkuar që të zbardhen dhe përkthehen të gjitha email-et që Kalaj ka shkëmbyer. Si dhe të konfirmohet përmes sistemit TIMS, datat hyrëse dhe dalëse të Kalajt nga vendi ynë, mënyrë kjo për të kuptuar edhe tërheqjen e lekëve nga Bankat Shqiptare nga ana e këtij personi. (E.K/SHUPLAKA)