Kreu i grupit parlementar i Partisë Socialiste ritheksoi qëndrimin e mazhorancës për zhvillimin e zgjedhjeve vendore me 30 Qershor.
Balla tha gjatë fjalës së tij në Kuvend se nuk ka për të ndodhur asnjë ç’dekretim për zgjedhjet, duke argumentuar se vendimi i Metës është krejtësisht në kundërshtim me Kushtetutën.
“Me ligj Presidenti është jashtë procesit zgjedhor, sepse ai nuk ka asnjë lidhje as me dekretin për shtyrjen e zgjedhjeve as për ç’dekretimin e tyre. Kjo mund të bëhet vetëm përmes nevojave dhe pengesave ligjore dha snjëherë për nevoja apo pengesa politike. Vetëm caktimi i datës së zgjedhjeve është kompetencë e Presidentit ndërkohë ç’dekretimi i tyre është një akt i paprecedentë. Dekreti i datës 10 Qershor nga Ilir Meta është jashtë çdo kriteri dhe kompetence”.
Ndërkohë sa i përket bojkotit që ka bërë opozita ndaj procesit zgjedhor të datës 30 Qershor nga opozita, Balla tha se kjo është një zgjedhje politike dhe jo një pengesë politike. Pengimi i të drejtës së një subjekti zgjedhor për të marrë pjesë në zgjedhje është një shkelje ligjore dhe kushtetuese e cila sipas Ballës dënohet deri më 5 vitë burg.
Ndërkohë sa i përket vendimit të KQZ për mos njohjen e dekretit të Presidentit, Balla tha se nëse KQZ don të pranonte të zbatonte dekretin, kjo e ngarkon atë me vepër penale e cila dënohet nga heqja nga vendi i punës me procedim penal.
(F.GJ/FAXWEB.AL)
