Në përpjekje për të shmangur vëmendjen nga çështja Xhafaj, kreu i grupit parlamentar të PS-së Taulant Balla është shprehur se ai është vënë në përgjim nga ana e PD-së. Sipas tij disa ish-policë të paguar në PD janë në pritje të shpikjes së ndonjë historie të re.
“Jo vetëm Fatmir Xhafajt, por edhe unë, apo edhe kolegë të tjerë në drejtim të Partisë Socialiste, jemi nën sitën apo monitorimin e personave të paguar nga Partia Demokratike për të shpikur histori.
Jo më larg se para disa ditësh nga një koleg i PD jam informuar për një mbledhje në një grup të ngushtë për t’u vënë në monitorimin e një grupi të caktuar që përbëhet nga disa ish-policë.
E deklaroj me përgjegjësi. Këta synojnë të bëjnë survejime, përgjime të paligjshme. PD është e përfshirë në një veprim të paligjshëm shantazhimi ndaj ministrit të Brendshëm”, pohoi Balla.
(E.K/FAXWEB.AL)
Discussion about this post