Taulant Balla ofendon deputeten: Oh Zot, kush të ka sjellë ty në parlament?!

Deputeti i mazhorancës Taulant Balla ofendon rëndë deputeten e PD-së Liljana Elmazi, gjatë seancës së sotme të Komisionit Hetimor të ÇEZ.

Ndërkohë që deputetja po fliste seriozisht për çështjen, Balla e ka ulur nivelin e diskutimit duke iu drejtuar Elmazit me fjalët: “Oh Zot kush të ka sjellë ty në parlament?!”

Përpara se të niste debati midis dy deputetëve, Elmazi po fliste për dëshminë e Hamza Merxhanit, i cili tha që nuk kishte asnjë lidhje me qeverinë.

“Dëshmitari e tha qartë që nuk kam patur asnjë lidhje me qeverinë. Ajo që mua më bën përshtypje është se pas nëntorit të 2007-ës, ai ka thënë: Unë nuk kam patur asnjë lidhje me Noelin. Atëhere unë ju pyes juve. Si mund t’i ketë në dorë një person i tretë imeilet e personave të tjerë: I ka përgjuar apo ia kanë dhënë të tjerë? Të sqarohemi. Unë jam në dijeni se juve ju ka ngarkuar Kryeministri i kuvendit që të sillni investime në vend, ku janë këto investime më thoni ju?”, tha Elmazi.

Pas saj, fjalën e mori deputeti Balla, i cili fillimisht foli për dëshmitarin Merxhani, e më pas e kaloi temën e bisedës tek Noel Kalaja.

“Ky person do të bënte konsulencën e ÇEZ-it në Shqipëri, Hamza Merxhani sot na konfirmoi të dhëna historike. Ju thoni nuk njihet, ne na rezulton se nga banka ka tërhequr 4 mijë euro.

Nuel kalaj është një person i rëndësishëm pasi ka email-e pa fund, flet me drejtuesin e ÇEZ për çështje të cilat i ka biseduar më parë me palën shqiptare. Shqetësimi është se si Kalaj sa herë që shkonin çekët te… (Ndërhyn deputetja, nxehet Balla). Oh zot kush të ka sjellë ty në parlament?! Ça të të them ty, o zot si të kanë pru ty këtu?! Po flas për Nuelin jo për Hamzain. Ky ka marrë 300 e ai ka marrë 7 milion”, acarohet deputeti. (D.D/Shuplaka)