Reagon edhe deputeti socialist Taulant Balla pas sulmeve të ditës së djeshme mes Luan Ramës, kreut të Grupit Parlamentar të LSI-së dhe ministrit të shkarkuar Saimir Tahiri.
Luan Rama kërkoi reflektim për çështjen e kanabisit, pastrimit të parave dhe trafikut, raportuar nga Departamenti Amerikan i Shtetit për Shqipërinë, por i menjëhershëm qe reagimi i Tahirit, i cili tha në mënyrë të tërthortë se LSI-ja sulmon për të marrë vota.
”Edhe ja fusin kot”, ka komentuar sot Balla.
”Ajo që më vjen keq mua është kur një politikan merr përsipër të hedhë baltë mbi Policinë e Shtetit.
Të lutem është faj i tyre edhe kur ia fusin kot, se këtu është një turp i madh kur Policia e Shtetit kryen një superaksion, epo doli ndonjë politikan nga këta që të thoshte ”Bravo” Policisë së Shtetit?!
Duhet të kesh parasysh që PS është aq parti e madhe sa kanevojë edhe për hudhra. Nuk e them për LSI, por më vjen keq që herëpashere bëjnë një devijacion për çështje të përbashkëta.”, komentoi deputeti Taulant Balla.
Sipas Luan Ramës Policia e Shtetit duhet të punojë më shumë dhe t’i lërë demagogjitë. (V.G/SHUPLAKA)
