Kreu i Grupit Parlamentar të Partisë Socialiste, Taulant Balla ka ironizuar sot me kreun e PD-së, Lulzim Basha.
Në një reagim të shkurtër në rrjetet sociale, Balla pyet se ku është zhdukur babalekryetari, duke iu referuar Bashës.
Sipas tij Basha ka keqpërdorur të rinjte e partisë së tij pasi nuk iu ka treguar të vërtetën për përgjimin, ku implikohej dhe vëllai i ministrit Fatmir Xhafaj.
Ajo që bën habi është fakti se Balla, tamam si të ishte një prokuror ka thënë se brenda pak ditëve do të mësohet e vërteta. Të ketë ndonjë burim Balla në prokurorinë e përgjithshme, pasi ai është organi që po merret me ekspertizën e audiopërgjimit?!
“Ku është zhdukur babalekryetari e Partisë Babalokratike? Pse i keqpërdori dje të rinjtë e FRPD Lulzim Basha pa ju treguar të vërtetën për Babalen dhe babalepërgjimin? Sepse Lulzimi e di të vërtetën. Edhe pak ditë dhe shqiptarët do të dëgjojnë të vërtetën babalepërgjimit”, shkruan Balla.
Lidhur me ekspertizën që po i bëhet audiopërgjimit në fjalë, opozita prej ditësh ka ngritur akuza lidhur me ndonjë manipulim të mundshëm që po iu bëhet provave.
Jo më larg se dje kryetarja e LSI-së u shpreh se zëri që është çuar për ekspertizë në Itali, nuk është i Agron Xhafajt.
(E.K/FAXWEB.AL)
Discussion about this post