Studiuesi Taulant Muka është ndalur sërish mëngjesin e sotëm te masteri i kreut të opozitës Lulzim Basha, dhe ka hedhur dyshime të forta mbi përfundimin e tij në Hollandë.
Sipas Mukës vetë Basha ka deklaruar që në vitet 2000-2004 ka qenë me punë në Prishtinë, dhe nuk mund të ndiqte njëherësh dhe studimet master, për të cilat deklaron se i ka përfunduar në vitin 2005.
Sipas tij kjo është arsyeja se pse opozita hesht, lidhur me skandalet që ai ka publikuar për shumë personazhe të njohura qeveritare, dhe për gjendjen në të cilën ndodhet sot arsimi në vendin tonë.
Postimi i Mukës:
A mund te na tregoje Lulzim Basha se si e ka mbaruar masterin e presupozuar ne Utrecht ne 2005, kur sipas formularit qe ka dorezuar vete ne KQZ, ne vitet 2000-2004 ka jetuar ne Kosove dhe me pas ne Shqiperi? Dua t’ju kujtoj se Lulzim Basha nga viti 1993-1999 ka marre certifikaten per mbylljen e nje viti akademik ne “Ligjin Holandez”.
Sistemi i Bolonjes u implementua ne vitin 2002 ne Holande, e rrjedhimisht studimet master kane qene 5 vjeçare. Pyetja qe lind eshte: a ka mbaruar studimet z. Basha ne Holande apo diku tjeter?! Dhe a eshte kjo arsyeja pse opozita sot hesht per skandalet e publikuara deri me sot me diplomat fallco te politikaneve dhe nje pjese te stafeve akademike?!
(E.K/Faxweb.al)
