Nga Dritan Kaba
Qindra qytetarë ishin mbledhur në Elbasan, duke iu përgjigjur pozitivisht ftesës komunitetit dhe besimeve fetare, për të zhvilluar “Marshimin e paqes”, me moton: “Jo, krimit…! Po, drejtësisë!”
Por, sa panë që në krye të marshimit u vunë përfaqësuesit e “Rilindjes” me në krye Taulant Ballën, ata u larguan, duke mbetur vetëm një grusht njerëzish në këtë aktivitet.
Pyeta një nga të larguarit: “Pse po ikën?”. Ai mu përgjigj: “Nuk mund ta kryesojnë një marshim kundër krimit, ata që e mbështetin dhe e forcojnë e krimin e organizuar”.
Një i ri u përgjigj: “Nuk e mendoja që, këtë tubim të thirrur nga komunitetet fetare do ta kryesonte një përfaqësues i asaj partie që i vuri kazmën shtëpive të Zotit dje dhe sot i përdor për teatër përfaqësuesit fetarë”.
Një grua që u largua me të bijën dhe dy shoqet e saj u shpreh: “Nuk mund ta mendoja që do e përdhosnin kështu këtë marshim kundër krimit të organizuar, duke vendosur në krye ata që janë padrinot politikë të këtij krimi”.
Një nga të larguarit nga marshimi, një mesoburrë dukej i revoltuar për këtë maskaradë.
Ai u shpreh: “Si mund të bëhem pjesë e këtij marshimi gjoja qytetar kundër krimit, kur ai që e prin, domethënë Taulanti, pas këtij marshimi do iki të shtrohet në një drekë të bollshme e të gjatë me ata që janë pjesë e ‘shtabit’ të blerjes së votave dhe frikësimit të qytetarëve për zgjedhje. Këtej do marshojmë kundër atyre që Taulanti do shtrohet në drekë”.
Pas kësaj ai përdori thënien e kompozitorit Lalo, “më mirë të iki të bëjë drekën time”.
“Sa të jem në një rresht me ata që e mbajnë krimin në krye të Elbasanit. Nuk ka vend për mua në atë tavolinë”, u shpreh ai.
Marshimi nga qytetarët, u kthye në një ecje në bulevard të përfaqësuesve fetare me deputetët socialiste dhe me një grusht shumë të vogël njerëzish.
Sa një klasë shkollë filloreje që del në ekskursion për të njohur qytetin!
Discussion about this post