Teksa javën e ardhshme pritet që të miratohet amnistia për të burgosurit, kryetari i Shoqatës së Avokatëve Penalistë, Saimir Vishaj kërkon që ajo të jetë gjithëpërfshirëse.
Gjatë eventit “Toga e Artë 2019”, avokati deklaroi se vetëm një aminsti gjithëpërfshirëse do të ulë mbipopullatën në burgje. Sipas tij, diçka e tillë duhet bërë me qëllim që në burgje të ketë vende për të vuajtur dënimin shtetasit që ekstradohen nga jashtë.
“Aminitia duhet të përfshijë edhe ata që kanë dy vite burg për të vuajtur. Të bëjmë një amnisti gjithëpërfshirëse që të mos ketë fokus vetëm tek gratë, të miturit dhe të moshuarit. Jashtë territorit të Shqipërisë ka mbi 3-4 mijë të dënuar që nuk kërkojnë pafajësi, por transferimin e tyre në Shqipëri”, deklaroi Saimir Vishaj.
Kujtojmë që ditën e djeshme u zbardh drafti i aministisë që pritet të miratohet nga qeveria. Sipas këtij drafti, afati i fundit për të dënuarit që të përfitojnë nga aministia është data 30 shtator.
(M. I./ Faxweb.al)
