Lista e Partisë Socialiste për kandidatë për deputetë mbart emra të rinj e largime të deputetëve të mëparshëm, e ajo që bie më së shumti në sy është renditja e të besuarve të kryetarit të Partisë Socialiste e njëherazi kryeministrit në krye të listave sipas qarqeve përkatëse.
Bëhet fjalë për rreth 27 të besuar, ku ndër të tjera bien në sy emrat: Fatmir Xhafaj, Saimir Tahiri, Lindita Nikolla, Ilir Beqaj, Diitimir Bushati, Damian Gjiknuri, Milva Ekonomi, Gramoz Ruçi, Pandeli Majko, Arben Ahmetj, Elisa Spiropali, Erion Braçe, deputetë të lidhur ngushtësisht me Ramën që kanë mbajtur apo vazhdojnë të mbajnë poste të rëndësishme.
Saimir Tahiri kryeson listën për qarkun e Tiranës, duke u ndjekur nga prurja e re Olta Xhaçka; ndjekur ndër të tjerë nga Elisa Spiropali, Milena Harito, Arben Ahmetaj, Pandeli Majko.
Në qarkun e Korçës kryeson Niko Peleshi, në atë të Elbasanit, Taulant Balla, të Dibrës Ilir Beqja, Kukësit Mimi Kodheli.
Ndër deputetët që mbeten jashtë janë Valentina Leskaj, e cila bëri të ditur sot se nuk do të kandidojë në këto zgjedhje parlamentare, si dhe emra të tjerë që dihen si: Ben Blushi, Mimoza Hafizi, Tom Doshi, Vladimir Kosta, Alfred Peza, Artan Gaçi, Tom Doshi, Ledi Shkreli, etj.
(XH.A/SHUPLAKA)
(Nga e majta ne te djathte: Tahiri, Xhafaj, Ekonomi, Beqaj, Bushati, Nikolla, Braçe, Ahmetaj, Gjiknuri, Spiropali, Majko, Ruçi)
