Mbrëmjen e sotme në emisionin Opinion është publikuar një listë me renditjen e qarqeve sipas perqindjeve të varfërisë në Shqipëri.
Lista kryesohet nga qarku i Kukësit me 22.5%, i cili është vendi më i varfër ekonomikisht. Është pikërisht Kukësi vendi ku ka një varfëri rurale dhe urbane të theksuar.
Pas Kukësit është qarku i Lezhës ai më i varfri. Por ajo që befason në këto të dhëna është renditja e Durrësit në vend të katërt si qarku më i varfër, ndërkohë që është qarku i dytë më i madh pas Tiranës.
Gjirokastra, sipas këtyre të dhënave është qarku më i pasur sipas treguesve.
Gati gjysma e popullsisë shqiptare jeton me 5 dollarë në ditë, një kufi që konsiderohet varfëri nga Banka Botërore, e matur kundrejt nivelit të standardizuar rajonal.
Në raportin e këtij institucioni “Ribalancim për një rritje më të fortë” theksohet se në Shqipëri, 45.5 per qind e popullsisë jeton në kufirin e varfërisë me 5 dollarë në ditë.
Ndërkohë që përqindja e popullsisë që jeton me këto të ardhura në vendet e tjera të rajonit është shumë herë më e ulët.
(M.D/ Shuplaka)
