Në media është komentuar shumë fakti se deputeti i Partisë Socialiste Fate Velaj, është trajtuar si i pastrehë dhe se merr një trajtim finaciar nga Kuvendi. I ftuar në Fax News, Velaj u pyet se si i komenton këto lajme për të.
“I komentoj lajmet dhe më vjen për të qeshur, sepse këtu krijohen lajme më shumë se në Kinë. Nuk e kuptoj këtë entuziasëm të mediave për të më nxjerrë mua si të jem unë Steve Jobs, i pasur.
Unë jam artist. E kam sqaruar dhe në deklarimin tim të pasurisë. Unë kam deklaruar ato që kam deklaruar, por kam edhe një koleksion timin, unë jam artist, jam piktor, fotograf, shkrimtar dhe unë realizoj gati përditë vepra arti.
Unë kam një koleksion veprash arti të miat, por edhe të kolegëve të mi dhe të gjitha ato që kam blerë në këto 27 vite. Ky koleksion imi ka këtë shumë, kjo nuk do të thotë se janë para, por janë vepra arti.”
Madje, Velaj e trajton situatën me humor pasi tregon bashkëbisedimin me bashkëshorten e cila e ka pyetur se ku i kishte çuar gjithë këto para.
“Kur lexova lajmet thash ‘more vërtetë jam kaq i pasur’ dhe më mori gruaja në telefon dhe më tha ‘Ku i paske çuar gjithë këto para, të dija njeri të sinqertë, ku i paske çuar gjithë këto para, na i trego dhe neve se mos të ndodh ndonjë gjë dhe nuk e dimë ku janë.’
Velaj u shpreh se nëse gazetarët duan, “mund të bëjnë ç’është e mundur që të më shesin pikturat mua, mos të më rrijnë në atelie, të bëjnë një lobim që ato vepra të kthehen në para”.
“Gazetat le të shkruajnë sa të duan, të më bëjnë si Donald Trump. Për sa i përket asaj të shtëpisë unë nuk është se po marr dicka që nuk më takon.
Nuk kam apartament në Tiranë. Mos ta marr as këtë, pse sepse bëra dje një pikturë në shtëpi. Më duket absurde dhe më vjen të qesh.
Unë i lexoj, por them paska dhe gazetarë me fantazi, me duan të mirën, duan të më shohin të pasur. Nëse ato duan, mund të bëjnë ç’është e mundur që të më shesin pikturat mua, mos të më rrijnë në atelie, të bëjnë një lobim që ato vepra të kthehen në para.”
(M.Q/Faxweb)
Discussion about this post