Me siguri ju kujtohet këngëtari i njohur Dashnor Diko, i cili mori famë pas këngës hit “Banania”.
Prej kohësh nuk kishim dëgjuar më për të, por Diko është rishfaqur sërish në ekran.
I ftuar në “Kush vjen për drekë”, Diko ka shfaqur talentin e tij në gatim, dhe ka bërë të ditur edhe dobësinë e tij për publikun.
Këngëtari është baba i dy djemve Bob dhe Xhon që jetojnë jashtë Shqipërisë.
Njëri prej tyre, Bobi, e ka surprizuar të atin gjatë emisionit nëpërmjet një videomesazhi.
“Të dua shumë dhe më merr malli çdo ditë.”-është shprehur djali i Diko.
Më pas kamera ka fokusuar Dashnor Dikon, i cili nuk i ka mbajtur dot lotët.
“Kam qenë shumë i lidhur me Bobin!”-u shpreh ai.
(F.M/Faxweb)
