Pavarësisht se ministri i brendshëm Saimir Tahiri krenohet me Policinë e Shtetit dhe me evoluimin që ka bërë trupa e saj, sërish gjërat duket se nuk janë ende në drejtimin e duhur. Për më tepër në një ditë pushimi si kjo e sotmja.
Një qytetar ka dërguar disa foto në redaksinë e Shuplaka.com, ku shihet një patrullë policie teksa ndalon në mes të rrugës vetëm për të marrë disa ëmbëlsira në një pastiçeri aty pranë.
Ngjarja është regjistruar në Rrugën e Elbasanit, pranë Ambasadës së SHBA-ve dhe siç duket në fotot e mëposhtme, policët janë “dehur” nga shija e ëmbëlsirave dhe nuk kanë pyetur fare për rregullat e qarkullimit rrugor.
