“Të fala Demokracisë!”, shkrimtarja ka një këshillë për ata që vajtojnë: Shkoni kthehuni te arat me kanabis

Shkrimtarja e njohur Flutura Açka duket se nuk e ka pritur aspak mirë rezultatin e zgjedhjeve. Ajo ka një këshillë për të gjithë ata që vajtojnë sot: të shkojnë dhe të kthehen në arat me kanabis.

“Kur e ushqen 27 vjet lirinë me thërrime diktature… tani mos vajtoni, shkoni kthehuni te arat me kanabis, se po vjen koha e korrje-shirjeve. Dhe të fala Demokracisë!”, është shprehur Açka.

Dhe gjatë ditës së djeshme shkrimtarja ka akuzuar politikanët dhe sjelljen e tyre me pasuritë e vendit dhe për pjesëmarrjen e ulët të qytetarëve në zgjedhje.

Duke iu referuar pjesëmarrjes të ulët në Vlorë Açka tha se kjo i detyrohet shkatërrimit të qytetit dhe betonizimit të tij.

Duhet thënë se në zgjedhjet e ditës së djeshme pjesëmarrja e qytetarëve ka qenë nga më të ultat në historinë e vendit.

(E.K/SHUPLAKA)