Të fortë paskan qenë, me serum në krah dhe ende në grevë! (VIDEO nga Zharrëza)

Pamjet e fundit nga greva e Urisë në Zharrëz e cila vijon prej një jave, paraqesin një tablo tronditëse.

“Me serum në krah dhe të shtrirë në tokë mbuluar me një batanije”, kjo është skena e parë në videon e publikuar nga “Nisma Thurje”.

Pavarësisht se ndodhen në gjendje të rëndë shëndetësore, disa prej tyre vazhdimisht nën serum, banorët e Zharrëzës nuk heqin dorë nga greva.

Banorët kërkojnë t’u realizohen gjithë premtimet e dhëna në datën 26, nga qeveria, pas dëmeve të shkaktuara nga kompania “Bankers”. Shumë familje po flenë jashtë se po iu bie çatia mbi kokë e askush nuk po kujtohet për ta. Prandaj banorët thonë se do ta vazhdojnë grevën e urisë e kësaj here nuk kanë për t’u ndalur para asnjë presioni, por do t’i shkojnë deri në fund asaj, edhe sikur t’i duhet të vdesin. (D.D/Shuplaka)