Dasma e fiori Dardhës është padyshim një nga më të përfolurat e momentit. Kjo edhe për shkak se vetë moderatorja është shumë e hapur në komunikimin me gazetarët po edhe me komunikimin në rrjetet sociale.
Gjithçka është e menduar në detaje dhe dasma do të mvahet të shtunën, dy ditë nga sot, dy ditë nga ditëlindja e pestë e Abelit. Ndërkohë që vetë Fiori është shprehur se nuk do të japë asnjë intervistë dhe se të gjitha fotot nga dasma do të gjenden në rrjetet sociale.
“Falënderoj gjithë kolegët e medias së shkruar e asaj elektronike për vemendjen dhe dashamirësinë e treguar. Ju kërkoj ndjesë që ua kam vonuar përgjigjet e intervistave, por kjo është një periudhë ca e ngarkuar.
Unë kam marrëdhënie shumë të mirë, me thuajse të gjithë ju, ndaj, për të mos i krijuar vetes stres e për të kursyer ndonjë hatërmbetje, kam vendosur që fotografitë e ditës sime të shënuar t’i vendos në rrjetet e mia sociale e më pas mund t’i shpërndajë kush dëshiron.
Ju jam mirënjohëse për intervistat, faqet e revistave e kopertinat që u treguat të gatshëm të m’i dedikoni. Dua ta shijoj kështu këtë moment, pa dalë në kopertina. Faleminderit të gjithëve që në një mënyrë apo një tjetër jeni bërë pjesë e gëzimit tim!”. (E.K/SHUPLAKA)
