U bënë ditë tashmë që nën zë dhe korridoreve po flitet për një marrëveshje të re mes kryeministrit Rama dhe kreut të PD-së Lulzim Basha, kushtet e të cilës mund ti dinë vetëm të dy liderët.
Teksa priteshin protesta me përfundimin e pushimeve të Gushtit, opozita është treguar e pavendosur për të dhënë një datë për rinisjen e tyre, me pretendimin se nuk do që të dëmtojë imazhin e vendit, në pritje të çeljes së negociatave.
E për të konfirmuar faktin se tani afër nuk do të ketë protesta, mjafton të shihni dhe pamjet e mëposhtme siguruar nga Faxweb.al, ku shihet se janë hequr mbrojtëset metalike në fasadën e kryeministrisë.
Mesa duket numri 1 i qeverisë ka marrë të gjithë miratimin se protestat e dhunshme nuk do të rikthehen, të paktën përpara gjysmës së parë të Tetorit.
Një marrëveshjeje të fshehtë mes Ramës dhe Bashës, i kanë paraprirë dhe disa zëra nga radhët e LSI-së, të cilët janë shprehur se nëse kjo ndodh do të sillte thellimin e krizës politike në vend.
Nga ana tjetër Basha dhe njerëz pranë tij, i kanë quajtur lajmet për një marrëveshje të dytë një shpifje nga radhët e mercenarëve të Rilindjes në media.
Po se cilës tezë duhet t’i besojmë duhet të presim kalimin e ditëve, ku presioni mbi Bashën do të shtohet edhe më shumë, pasi mbeten dy rrugë: O një 17 Maj i dytë, o një rrugë pa kthim drejt protestave.
(E.K/Faxweb.al)
