Gazetari Aleksandër Çipa ishte i ftuar në studion e lajmeve të Fax News ku u pyet për situatën politike në vend pas zgjedhjeve të zhvilluara më 30 Qershor, qëndrimet e palëve dhe deklaratat e sotme të Presidentit, Ilir Meta.
Sa i përket këtyre të fundit, Çipa tha se ky është moment më i vështirë në jetën e tij politike, dhe shtoi se e ka braktisur postin e Presidentit duke përmendur emra specifik të antagonistëve politik, por nuk la pa përmendur edhe deklaratën e Metës se marrëdhëniet e tij me Amerikën janë të kristalta.
“Është moment më i vështirë në gjithë jetën e tij politike. E ka braktisur postin e Presidentit dhe flet duke përdorur emra specifik të antagonizmit politik.
Pavarësisht se i konsideron si të kristalta me Amerikën, në komunikimet zyrtare ka një distancë të dukshme. Kemi një deklaratë të SHBA dhe një deklaratë BE-së nga përfaqësuesit e tyre në vendin tonë, që e njohin procesin zgjedhor. Kemi dhe raportin paraprak të OSBE/ODHIR-it se procesi u krye. Është njohje e një akti të kryer, pastaj diferencat që e kemi në cilësinë e gazetarit për specifikat e kësaj deklarate, besoj janë të njohura”.
Duke folur për gjenezën e krizës politike, arsyet e saj dhe kush del i dëmtuar nga kjo, Çipa përgjigjet: “Kjo krizë politike është histori e përplasjes institucionale. Sa herë klasa polityike, për llogaritë e tyre, kanë përdoruur institucuionet dhe i kanë vënë në funksion të konjuktuarës dhe dëmin e kanë pësuar institucionet dhe qytetarët”.
Sa i përket pjesmarrjes së ulët në votime si dhe rreth 80% të elektoratit që nuk ka votuar dhe përfaqësimit të tyre, Çipa tha se nuk jemi në kushtet për të bërë një analizë të tillë, por shtoi se shqiptarët ju kanë dhënë të gjithë politikanëve një shuplakë të madhe.
“Gjithë kampioni statistikor i pjesmarrjes në zgjedhje nuk shërbejnë për të përllogaritur pjesën substanciale. Ngelet për t’u parë produkti i kësaj që janë këshilltarët bashkiakë. Padiskutim që shqiptarët ju kanë dhënë të gjithë politikanëve një shuplakë të madhe. Unë kam eksperiencë eoleiktorale dhe di të them se kurrë elektorati shqiptar nuk ka votuar gabim”.
Çipa tha se Shqipëria ndodhet përpara një moment të vështirë dhe si argument përdori qëndrimet e 4 përfaqësuesve më të lartë të politikës në vend.
“Fatkeqësisht jemi në një moment të vështirë dhe më të rrezikshmin për funksionimin e demokracisë. Jemi para një verdikti ku abuzohet me ligjin. Vini re nga deklaratat që vijnë nga aktorët kryesor. Presidenti Meta e ka zhbërë pozicionin natyral të Presidentit. Dy përfaqësuesit kryesor përdorin një gjuhë kërcënimi politik ndaj Edi Ramës. Vetë Edi Rama ishte ai që tha se ishte vetë ai që do ti jap drejtim pëerfaqësimit. Si gjithmonë mbetet një shpresë e veçantë ndërhyrja e ndërkombëtare, sidomos ajo e SHBA-ve”.
https://www.facebook.com/faxweb.al/videos/2391499551085087/
(F.GJ/FAXWEB.AL)
