Të gjithë sytë në Letoni, majori Tanushi lufton për jetën. Në gjendje të rëndë shëndetësore

Ditën e djeshme nga shpërthimi i një  mine ka humbur jetën efektivja shqiptare Zarife Hasanaj dhe kanë mbetur të plagosur Reshter Juliaj Kapajn dhe major Klodian Tanushin.

Nga lumi i informacioneve që ka shpërthyer është bërë e ditur që gjendja e major Klodian Tanushin është tejet e rëndë.

Edhe pse mjekët e shpitalit në të cilin ai po merr ndihmën mjekësore janë duke bërë të pamundurën, shpresat për majorin janë të pakta.

Ai është babi i 3 fëmijëve këtu në Shqipëri, më i vogli prej tyre 5 muajsh.

Ndërkohë që Tanushi gjatë karrierës së tij ka kryer detyra si  Komandant Toge, Komandant Kompanie, Shef Seksioni,  Specialist Operacionesh. Aktualisht me detyrë Komandant i Togës së pare të EOD, tashmë prej 6 muajsh ishte në shërbim në Letoni si major.

Kujtojmë që ditën e sotme ministrja Xhaçka ka shkuar në Letoni ku dhe ka takuar dy të plagosurit.

Sa i përketë viktimës bëhet i ditur që ajo do të transportohet me avion ushtarak dhe do të jetë e shoqëruar nga koleg të saj. Ceremonia mortore do të mbahet në datë 10 Maj.

Të dhëna për Major Klodian Nikolla TANUSHI

Major Klodian Nikolla TANUSHI lindur në Dibër më 31.10.1980, fëmija i pare i familjes Tanushi. I martuar dhe me tre fëmijë (dy djem dhe një vajzë) përkatësisht 14 vjeç, 11 vjeç dhe 1 vjeç e gjysmë.

Në vitin 1999 ka përfunduar shkollën e mesme profesionale “Nazmi Rushiti” në profilin “Motorist xhenerik”. Nga viti 2000 deri në vitin 2003 ka ndjekur studimet në Akademinë Ushtarake Skëndërbej.

Ka kryer kurse funksional EOD Niveli I-re “Për asgjesimin e municioneve me eksploziv”

Ka marrë pjesë ne kursin “EUFOR Mine Aëareness Instructor Course”.

Pas përfundimit të Akademisë është titulluar oficer dhe me urdhër nr.9628 datë 18.09.2003 ka marrë gradën e “Nëntogerit”. Në vitin 2006 ka marrë gradën e “Togerit”, në vitin 2010 ka marrë gradën e “Kapitenit” dhe në vitin 2017 ka marrë gradën e “Majorit”.

Gjatë karrierës së tij ushtarake ka kryer detyra si : Komandant Toge, Komandant Kompanie, Shef Seksioni,  Specialist Operacionesh. Aktualisht me detyrë Komandant i Togës së pare të EOD.

Në 20.12.2018 është dërguar me mision në Operacionin Ushtarak të NATO-s në Riga, Letoni në përbërje të Grup-batalionit kanadez me detyrë Komandant i Kontigjentit shqiptar dhe përfaqësues i lartë ushtarak, me afat qëndrimi 6-mujor.

Gjatë karrierës së tij është vlerësuar me Medaljen e “Karrierës” nga Komandanti i Forces, Medaljen e “Shërbimit” nga Shefi i Shtabit të Përgjithshëm, Medalje shërbimi në Mision jashtë vendi si dhe Medaljen “Për pjesëmarrje në shërbime ndërkombëtare” nga Ministri i Mbrojtjes.