Festa e ndërrimit të viteve mund të quhet pa frikë dhe festa më familjare prej gjithë të tjerave. Sidomos në kontekstin shqiptar, ku ka kthime të shumta të emigrantëve që ndodhen jashtë vendit.
Madje aq familjare është si festë saqë shprehja ‘’deri në 12 me të shpisë” ka qenë refren në këto vitet e fundit.
Ndërkohë të pakursyer me fotot e tyre ‘’intime” janë edhe politikanët e vendit.
Nga ish-kryeministri Berisha, te kryeministri Rama dhe Presidenti Meta, të gjithë kanë dashur që të na bëjnë pjesë të festave të tyre.
I vetmi që nuk ka postuar një foto familjare ka qenë kreu i PD-së Lulzim Basha. Nuk dihet nëse kjo ka qenë pjesë e qëndrimit të tij opozitar. Ai është mjaftuar me postimin e një kartoline me urimin e tij.
Me pak vonesë dhe pas zhveshjes nga angazhimet e tij televizive, Erion Veliaj, pas shumë kohësh ka postuar një foto me partneren e tij Ajola Xoxa.
Nga ana tjetër kryeministri Rama ka postuar një foto familjare të madhe së bashku me Lindën, Zahon, Gregun dhe Rean.
Për ish-kryeministrin Berisha ka vetëm një njeri pjesë të kartolinës, e pandashmja me të, bashkëshortja Liri.
Ndërsa Presidenti Meta me qetësinë e tij na ka ndarë moment nga festa me kryetaren e LSI-së, Monika Kryemadhi dhe tre fëmijët e tyre.
Nga fotot na jepet përshtypja se të gjithë politikanët e rëndësishëm të vendit janë duke i kaluar pushimet brenda Shqipërisë.
(E.K/FAXWEB)
Discussion about this post