Policia e Tiranës ka shoqëruar një banorë të Unazës në Komisariatin numër 6 pasi ka bërë thirrje që të goditet me armë policia.
Banori i shoqëruar nga policia e Tiranës është Lutfi Kastarati.
Përpara komisariatit numër 6 në Tiranë janë të pranishëm disa banorë të Astirit dhe disa deputetë të Partisë Demokratike të cilët kërkojnë lirimin e tij.
Banorët e Astirit kanë më shumë se 3 muaj që po kundërshtojnë prishjen e e shtëpive të tyre nga projekti i Unazës së madhe.
Ndërkohë punimet janë pezulluar në lotin e parë për shkak të megaskandalit të dalë, ku kompania fituese kishte falsifikuar dokumentet për të përfituar tenderin e ndërtimit.
