Kreu i Partisë Demokratike Lulzim Basha ka deklaruar para gazetarëve ditën e sotme se shteti duhet të marrë menjëherë masa për ardhjen në ndihmë të qytetarëve teksa ka shpalosur edhe propozimet e tij për përballimin e situatës.
Basha tha se në të gjitha zonat e prekura, qevveia nuk duhet të dërgojë fatura të energjisë elektrike dhe ujit, ndërsa shtoi se ka çelsat e thesarit të shtetit dhe ta hapë derën për rrezikun përballë të cilit janë qytetarët.
Basha ka përmendur edhe ngjarjen e Durrësit ku një e moshuar ndërroi jetë për shkak të koronavirusit, por edhe për maskat e skaduara apo reagimet e qeverisë dhe kryeministrit Rama
“Të gjithë jemi dëshmitarë të ngjarjes tragjike sot, ku një grua e moshuar ka humbur jetën nga koronavirusi. Rasti është shqetësues dhe shtimi i rasteve të reja duhet të shërbejë që të rrisim vigjilencën. Duhet të ndiqen me rigorozitet masat për ndalimin e përhapjes së koronavirusit. Qeveria duhet që të pajisen me mjetet e duhura mjekët. Nëse të parët që goditen nga valët e infeksionit janë mjekët, kush do të kujdeset për qytetarët? I bëj thirrje qeverisë që të blejë pajisjet e reja për të zbardhur mirë rastet e njerëzve që bartin virusin. Shtetet europiane kanë vënë miliona, ndërsa ne pak para. Fondi 3.5 milionë euro nuk mjafton”, tha Basha.
“Nëse nuk mbrojmë mjekët, kush do të kujdeset për qytetarër. Pajisjet kanë evoluar që kur shpërtheu virusi në Kinë. Sipas ekspertëve është tashmë e mundshme bërja e analizës në një kohë prej 40-45 minuta. Ndaj i bëj thirrje qeverisë të marrë aparaturat e reja. Kjo do të mundonte testimin në masë. Aparaturat janë sot në treg. Kjo është thirrja kryesore që kam për autoritetet. Qartësisht 3.5 milion eruo nuk mjaftojnë”, vijoi kryedemokrati.
“Britania dhe Italia kanë dhënë miliarda. Nuk përballohet gjendja në vend me akte propagande. Nuk është koha për propagandë, për larje duarsh në televizor, kur qytetarët nuk kanë ujë. Prandaj kam kërkuar që në 23 shkurt marrjen e masave. Nuk mund të fshihemi pas maskave të skaduara. Është koha për të lënë llafet, për të lënë sulmet ndaj opozitës dhe gazetarëve“, tha ndër të tjera Basha.
(F.GJ/FAXWEB.AL)
Discussion about this post