Kopjimet janë tashmë shumë të njohura dhe në botën e artit. Pas vjedhjes famëkeqe me të cilën u përball kompozitori Flori Mumajesi disa javë më parë, tashmë një tjetër personazh shqiptar ”akuzon” të huajt për vjedhje.
Grupi i famshëm i muzikës pop rock amerikan, Maroon 5, nisi të publikojë një seri fotografish të çuditshme në Instagram. Trupa vajzash superseksi të cilat në vend të kokës së tyre njerëzore, kishin maska kafshësh të ndryshme, sigurisht prej pelushi ose plastike.
Me shumë gjasa bëhet fjalë për këngën e re të grupit, që mesa duket i ka shumë qejf kafshët, që pas këngës së mëparshme “Animals”. Megjithatë, ajo çfarë Ledion Liço vuri re, ishte diçka krejt tjetër. Këto fotografi dhe ideja e tyre, kishte një ngjashmëri të paparë me videoklipin e këngës “Yes” që mban firmën e Ledionit.
Me një sens të hollë humori dhe ironie, prezantuesi ka publikuar një kolazh fotografish në profilin e tij në Instagram, ku bën krahasimin midis dy ideve.
“Një tjetër vjedhje nga amerikanët. Fillimisht i ndodh Flori Mumajesit tani mua… sa gjynah, Ç’turp, pa pikë fantazie…” shkruan Ledioni me njëfarë të drejte në fakt!
Vetë Flori e deklaroi këtë gjë nëpërmjet një postimi në Instagram ku shkruante: “Me fjalë të vogla… M’u desh ta shikoja për ta pranuar se energjia është në ajër… Ështe aty për ty muzikë”. Hurwitz, edhe pse ka krijuar kolonën e plotë zanore të filmit “La La Land” apo “Whiplash”, duket se e gjeti frymëzimin diku larg në vendin e vogël që quhet Shqipëri. (E.K/SHUPLAKA)
Discussion about this post