Ish-deputeti i PD-së Astrit Patozi nëpërmjet një postimi në Faebook ka komentuar fjalën e ish-ministrit për Europën dhe Punët e Jashtme, Ditmir Buashti. Ai e ka quajtur fjalën e tij si një “xixëllonjë, që mund ta thyejë sadopak terrin e marrëzisë së Rilindjes”.
Edhe pse Patozi përmend në shkrim që e ka kundërshtar politik Bushatin duket se nuk ka mundur të lerë pa përshëndetur fjalën e tij e cila sot mund të jetë një dritë e zbehtë që shpejtë do të përhapet.
Ndërkohë që lavdëron Bushatin, Patozi ‘sulmon’ opozitën e cila sipas tij tashmë ka ndryshuar mendje. Opozita e cila më shumë se patozi është gëzuar për atë që “e quanin atë Ditëziu i krimit në Shkodër dhe zëdhënës të bandës së Bajrave”.
Postim i plotë i Patozit:
PËR KË FOLI DHE KË GEZOI MË SHUMË SOT DITMIR BUSHATI?
Edhe mua më pelqeu fjala e Ditmir Bushatit sot në parlament, pavarësisht se e kam pasur dhe e kam kundërshtar politik.
Sepse e shikoj, gjithësesi, si një xixëllonjë, që mund ta thyejë sadopak terrin e marrëzisë së Rilindjes, që, për fat të keq, nuk është e vetmja sot në Shqipëri.
Një shenjë e zbehtë ndoshta se në partitë tona të shndërruara në gazerma ushtarake mund te fillojnë e të flasin, apo qoftë edhe të belbëzojnë, ata që janë më kurajozë dhe më mendjehapur.
Por po shoh se shumë më tepër se unë qenkan gëzuar ata, të cilët vetëm një muaj më parë e quanin atë Ditëziu i krimit në Shkodër dhe zëdhënës të bandës së Bajrave.
Të ketë ndryshuar Ditmiri thua, apo janë bërë më të dhembshur dhe mirëkuptues ata?
(s.a/faxweb.al)
