Do të ketë përsëri përmbytje? Çfarë thotë Instituti i Meterologjisë

Nga përmbytjet  e dy ditëve të fundit janë shkaktuar shumë dëme.  Nëse do të ketë sërish reshje intensive gjendja mund të dalë jashtë kontrollit.

Sipas Institutit të Gjeoshkencave, Energjisë, Ujit dhe Mjedisit nesër reshjet do të vazhdojnë me një intensitet mesatar deri lokalisht intensive të shoqëruara me shtrëngata. Reshjet do të jenë në formë dëbore në zonat e larta malore, kryesisht në veri dhe lindje të vendit. Nddërsa temperaturat minimale dhe maksimale të ajrit pritet të arrijnë: në bregdet: 7 °C / 13 °C në vendet e ulta: 6 °C / 13 °C në vendet malore: -1 °C / 6 °C.

PARASHIKIMI I PLOTË:

Reshjet e matura nga IGJEUM në basenet e lumenjve Vjosa, Seman dhe Shkumbin, përgjatë 24 orëve të kaluara, kanë qenë shumë intensive. Gjithashtu edhe jashtë kurit të Shqipërisë në basenin e lumit Vjosa këto reshje kanë qenë shumë intensive.

Gjatë ditës së sotme e Shtunë (dt.02.12.2017) deri nesër e Diel (dt.03.12.2017), reshjet maksimale 24 orare, priten mesatare deri lokalisht intensive.

 Shenjat e Alarmit për përmbytje urbane ose nga përrenjtë dhe lumenjtë e vegjël janë hequr nga tabela e qarqeve, sepse këto përmbytje e kanë kaluar pikën kritike përgjatë natës së kaluar të përmbytjeve në pjesët fushore në qarqet Vlorë dhe Fier do të vazhdojnë përgjatë ditës së sotme e Shtunë (dt.02.12.2017).

 Lumi Vjosa do të llojë të tërhiqet në shtratin e tij natyral përgjatë fundit të ditës së Hënë (dt.04.12.2017).  Në pjesët e sipërme të baseneve në qarqet (Elbasan, Gjirokastër dhe Berat) do të ulet rreziku nga përmbytja.

Ky informacion do të përditësohet nga IGJEUM sipas llogaritjeve te ardhshme dhe do të njoftoheni për çdo ndryshim në parashikimin e përmbytjeve.

PARASHIKIMI METEO: RESHJE

Sot pasdite (e shtunë, dt.02) reshjet do të vazhdojnë, me një intensitet mesatar deri lokalisht intensive. Nesër (e diel, dt.03) reshjet do të vazhdojnë me një intensitet mesatar deri lokalisht intensive të shoqëruara me shtrëngata. Reshjet do të jenë në formë dëbore në zonat e larta malore, kryesisht në veri dhe lindje të vendit.

TEMPERATURAT  

Nesër (e diel, dt.03) temperaturat minimale dhe maksimale të ajrit pritet të arrijnë: në bregdet: 7 °C / 13 °C në vendet e ulta: 6 °C / 13 °C në vendet malore: -1 °C / 6 °C. ERA  Sot pasdite (e shtunë, dt.02) dhe nesër (e diel, dt.03) do të fryjë e dobët, ndërsa ne bregdet deri mesatare. (J.V/Faxweb)