Ministri në detyrë nga Nisma Socialdemokrate, Endrit Shala, ka reaguar pas deklaratës së kandidatit për deputet nga radhë te Nismës, Haxhi Hoti, për Albin Kurtin ku e paralajmëronte se e presin dy rrugë, “Ose të lëshojë Kosovën, ose të vritet”.
Shala ka thënë se Nisma Socialdemokrate distancohet nga çdo deklaratë e tillë e cila nxit urrejtje
“Nisma Socialdemokrate distancohet nga çdo deklaratë e tillë e cila nxit urrejtje”, ka thënë Shala për Gazetën Express.
Më tej, Shala tha se dihet qasja e Nismës karshi subjekteve dhe liderëve të tjerë politikë dhe se një gjuhë e tillë nuk është gjuhë e Nismës.
“Dihet qasja e Nismës në raport me të gjitha subjektet tjera politike dhe të gjithë liderëve politikë. Një gjuhë e tillë e përdorur nuk është gjuhë e cila rrjedh nga Nisma”, ka përfunduar Shala.
