Duket se rezultatet paraprake të dala nga kutitë e votimit kanë hasur dhe në reagimet e para kundër kreut të demokratëve Lulzim Basha.
Endira Bushati koordinatore në PD në një status të sajin në rrjetet sociale shprehet se nuk ka humbur Partia Demokratike po është refuzuar marrëveshja Rama-Basha.
Ajo vijon më tej duke thënë se po ashtu lista e quajtur fituese nga Basha tashmë është shpartalluar. Po Bushati nuk është e vetmja që ka reaguar.
Para saj ishte dhe ish-deputeti demokrat Besnik Mustafaj i cili kërkoi dorëheqjen e menjëhershme të Lulzim Bashës nga drejtimi i partisë.
STATUSI I ENDIRA BUSHATIT:
Të mos bëjmë kot…
Ne e ndjenim, ne e dinim…
Nuk ka humbur Partia Demokratike!
Është refuzuar marrëveshja Rama-Basha!
Është shpartalluar “Lista Fituese”! (E.K/Shuplaka)
