Babis Krathanos ishte një nga personazhet e spikatur në pjesëmarrjen e varrimit të Kostandinos Katsifas, ku nga një ceremoni u shndërrua në një manifestim të urrejtjes ndaj shqiptarëve.
Thirrje si “Gjaku na thërret të djegim shqiptarin”, “Katsifas ti na prin”, “zjarr qenve shqiptar”, ishin vetëm disa nga thirrjet raciste të nacionalistëve të shfrenuar grekë. Mes tyre binte në sy dhe Babis Karathanos, i cili i printe arkëmortit dhe ishte nga më të zëshmit.
Më vonë ai do të shoqërohej nga policia e Gjirokastrës në komisarit, por pas disa orësh ai ishte liruar së bashku me personat e tjerë që u shoqëruan pas funeralit. Por Babis Karathanos nuk është një emër i panjohur.
Gazetari Artan Hoxha në një postim në rrjetet sociale ka postuar një video të vitit 2011, ditën e zgjedhjeve lokale, ku Karathanos shihet i shoqëruar nga disa persona.
“Shikoni cfare karshilleku dhe cfare demostrimi kunder autoriteteve shqiptare dhe banoreve te Himares ben Karathano diten per diell ne mbeshtetje te Vasil Bollanos, dhe nuk i hyn gjemb ne kembe”, shkruan Artan Hoxha.
Duke iu referuar ngjarjes së djeshme në Bularat, Hoxha shkruan se ai duhej të arrestohej urgjentisht dhe të mos e shihte dritën e diellit për disa vite.
Postimi i plotë:
Karathano dhe skuadra e sigurise e Agimit te Arte duke e shoqeruar ate ne qender te Himares diten e zgjedhjeve lokale me 8 maj 2011. Shikoni cfare karshilleku dhe cfare demostrimi kunder autoriteteve shqiptare dhe banoreve te Himares ben Karathano diten per diell ne mbeshtetje te Vasil Bollanos, dhe nuk i hyn gjemb ne kembe. Vetem per kaq ai nuk duhej lejuar dje, te kalonte traun e doganes ne Kakavije, per te mos thene qe pasi organizoi maskaraden e Bularatit duhej arrestuar urgjentisht qe te mos e shihte driten e diellit per disa vite ne burgjet shqiptare…
(B.H/Faxweb)
Discussion about this post