Në Memaliaj janë sekuestruar nga policia 144 kilogramë hashash dhe një armë gjahu pa leje. Kjo drogë është gjetur në banesën një 69-vjeçareje që për arsye shëndetësore ka filkuar procedim penal ndaj saj në gjendje të lirë. Droga është gjetur 11 thasë plasmasi, 2 fuçi plastike.
DETAJE:
Në bazë të informacioneve të marra në rrugë policore se në banesën e shtetases D.B, në fshatin Kalivaç, Memaliaj kishte lëndë narkotike, nga shërbimet e Komisariatit të Policisë Tepelenë dhe specialistët e seksionit për Hetimin e Narkotikëve në D.V.P Gjirokastër u krye kontroll në këtë banesë. Nga kontrolli i ushtruar, në banesë u gjetën 11 thasë plasmasi, 2 fuçi plastike me lëndë të dyshuar narkotike Cannabis Sattiva, me peshë totale 144 kg dhe një armë gjahu pa leje. Filloi procedimi penal në gjëndje të lirë (për arsye shëndetsore) për shtetasen D.B(pronare e banesës), 69 vjeçe, banuese në fshatin Kalivaç, Memaliaj. Materialet i kaluan Prokurorisë së Rrethit Gjyqësor Gjirokastër për veprime të mëtejshme. (J.V/Faxweb)
