Transmetimi i filmave të vjetër shqiptarë në ekranet televizive duket se ka shetësuar shumë dhe jo pa të drejtë disa nga shkrimatrët shqiptarë. Sipas Agrin Tufës dhe Virion Graçi kjo është një propagandë e pastër që iu bëhet veprave të regjimit komunist.
Për ta është e papërfytyrueshme sesi në vendin tonë transmetohen filma të porositur nga regjimi 24 orë në 24, ndërkohë që nëse Në Gjermani do të publikoheshin filma me Hitlerin kjo do të ishte e paimagjinueshme.
Kjo është mënyra më e keqe sipas tyre përmes së cilës ne iu treegojmë historinë brezave të rinj. Në një takim të mbajtur nga Instituti i studimit të Krimeve dhe Pasojave të Komunizmit në Shqipëri, ky ka qenë konkluzioni i nxjerrë nga të pranishmit.
Ndërkohë që në një intervistë për ‘’GSH’’, dy shkrimtarët kanë vijuar më tej duke thënë se kjo është e dëmshme për shoqërinë shqiptare.
‘’Këta filma fyejnë historinë, martirët, ata që e deshën Shqipërinë elirë dhe Perëndimore. Këta lloj filmash perceptohen gabimisht si dëshmi historike për të mirën e të keqen, për heronjtë e tradhëtarët, për përparimtarët e gjoja reaksionarët’’, ka thënë Virion Graçi.
Ndërkohë që po të njëjtën linjë ka qenë edhe Agron Tufa për rë cilin këta filma kanë qenë inxhiniria më e madhe e propagandës.
‘’Është një temë e prekshme, është një realitet që për fat të keq vazhdon. Në fund t’u drejtohesh këtyre filmave që kanë qenë inxhiieria më e madhe propagandistike e komunizmit, e vetmja vlerë që kanë është se mësojnë fëmijën si të bëhet spiun i prindit, se si shokohen marrëdhëniet njerëzore, për çështje parimore a ideologjike’’, ka thënë Tufa.
Nuk dihet nëse kjo thirrje do të shoqërohet realisht me nisma për të ndaluar trasmetimin e këtyre filmave nga televizionet shqiptare.(E.K/SHUPLAKA)
Discussion about this post